Plantun de Prouvènço

Pèr coumpara dos planto d'encò nostre

Sedum monregalense & Euphorbia flavicoma subsp. verrucosa

Sedum monregalense

Crassulaceae

Nom en français : Orpin de Montereale.

Descripcioun :
Aquéu rasin, di proun rare, trachis sus li roucas, dins li roucaio e esboudèu de mountagno dins lis Aup-d'Auto-Prouvènço (mai coumun en Itàli). Es uno planto renadivo en mato de 5 à 15 cm d'aut que fai proun de tijo esterlo. Li fueio soun sarrado e siegue óupousado, siegue verticilado pèr 4 ço que permés de la destria de si cousino. Li flour blanco soun en pinceloun (courimbo).

Usanço :
Lou rasin-de-Montereale es uno planto aparado marcado sus la listo roujo dins la categourìo LC : soucit minour.

Port : Erbo
Taio : 5 à 15 cm
Fueio : verticilado
Tipe bioulougico : Camefite
Cicle bioulougico : Planto renadivo

Gènre : Sedum
Famiho : Crassulaceae

Ordre : Saxifragales

Coulour de la flour : Blanco
Petalo : 5
Ø (o loungour) flour : 1,5 à 2 cm
Flourido : Estiéu

Sòu : Ca
Autour basso e auto : 800 à 2200 m
Aparado : Noun
juliet à avoust

Liò : Roucas - Roucaio - Esboudèu
Estànci : Mountagnard à Subaupen
Couroulougi : Ouroufito-Èst-Éuroupenco
Ref. sc. : Sedum monregalense Balb., 1804

Lachusclo(-berrugouso)

Euphorbia flavicoma subsp. verrucosa

Euphorbiaceae

Nom en français : Euphorbe verruqueuse.

Descripcioun :
Lachusclo que se recounèis bèn quouro es en fru, emé si gros boursoun berruquous. Pòu èstre sènso péu o mai o mens peludo. Trachis en mato dins li relarg pulèu secarous pèr la subsp. flavicoma o lis endré mai umide pèr la subsp. verrucosa qu'es eici presentado. Aquesto éi mai grando dins tóuti si partido, majamen li fueio (2,5 x 1 cm eici, e 1,5 x 0,5 cm pèr flavicoma).

Usanço :
Coume tóuti lis meno d'Euphorbia, la lachusclo-berrugouso es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco.

Port : Erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 1800 m
Aparado : Noun

Liò : Ribiero - Roubino
Estànci : Termoumediterran à Mountagnard
Couroulougi : Pancaro entresigna
Ref. sc. : Euphorbia flavicoma subsp. verrucosa (Fiori) Pignatti, 1973 (= Euphorbia verrucosa subsp. verrucosa L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Sedum monregalense & Euphorbia flavicoma subsp. verrucosa

ges

Coumpara Rasin(-de-Montereale) emé uno autro planto

Coumpara Lachusclo(-berrugouso) emé uno autro planto